“Liverpul” bosh murabbiyi Yurgen Klopp mersisaydliklar klubini tark etishdan oldin Yevropa ligasida g‘olib chiqish istagi borligini ma’lum qildi.
Turnirning chorak finalida “qizillar” Italiyaning “Atalanta” jamoasi bilan uchrashadi.
“Turnir boshlanishidan oldin ham imkon qadar uzoqqa borishga ahd qilgandik. Endi yo‘limizda "Atalanta" bor.
Bu raqibni mag‘lub etishimiz uchun muxlislarning qo‘llab-quvvatlashi kerak bo‘ladi. Umid qilamanki, biz bu qarama-qarshilikka imkon qadar tayyormiz.
Men Yevropa ligasida g‘alaba qozonishni juda xohlayman", - dedi germaniyalik murabbiy.
