WhoScored portali Chempionlar ligasining 2023/2024 yilgi mavsumi 1/4 finali dastlabki o‘yinlarining eng yaxshi futbolchilaridan iborat ramziy terma jamoani taqdim etdi.
WhoScored reytingidan eng yuqori ballni "Barselona" vingeri Rafinya oldi – 8,55. Shu tariqa, u portal talqiniga ko‘ra, asosiy yevrokubokning birinchi chorak final o‘yinlarining eng yaxshi futbolchisiga aylandi.
To‘liq ramziy jamoa quyidagicha ko‘rinish oldi:
Darvozabon: Gregor Kobel, «Borussiya» (Dortmund, Germaniya) — 7,55.
Himoyachilar: Jyul Kunde, «Barselona» (Ispaniya) — 7,07; Sesar Aspilikueta, «Atletiko» (Madrid, Ispaniya) — 6,74; Djon Stounz, «Manchester Siti» (Angliya) — 6,78; Yoshko Gvardiol, «Manchester Siti» — 8,05.
Yarim himoyachilar: Vitinya, «PSJ» (Fransiya) — 7,88; Rodrigo De Paul, «Atletiko» — 7,68; Usman Dembele, «PSJ» — 7,78; Rafinya, «Barselona» — 8,55.
Hujumchilar: Antuan Grizmann, «Atletiko» — 8,34; Vinisius Junior, «Real» (Madrid, Ispaniya) — 8,15.
