Londonning “Chelsi” klubi ukrainalik yarim himoyachi Mixail Mudrikning o‘yinidan norozi.
Agar futbolchi jiddiy rivojlanishga erisha olmasa, keyingi yozda sotuvga qo‘yilishi mumkin. Maurisio Pochettino boshchiligidagi jamoa murabbiylar shtabining fikricha, ukrainalik futbolchining taraqqiyoti jiddiy sekinlashgan. Klub Mudrik bilan xayrlashishi mumkin, uning o‘rniga "Atletik Bilbao" yetakchisi Niko Uilyamsni taklif qiladi.
Joriy mavsumda Mixail “aristokratlar” safida 33 ta o‘yin o‘tkazib, 6 ta gol va ikkita golli uzatmani amalga oshirdi. Tomonlar o‘rtasidagi amaldagi mehnat shartnomasi 2031 yilning yozida tugaydi.
