"PSJ" Ispaniyaning amaldagi chempioni muxlislarining xatti-harakati yuzasidan UYEFAga uchta shikoyat yubordi. Jamoaning keyingi safar o‘yinlariga muxlislar borolmasligi mumkin.
Chempionlar ligasining 1/4 finalidan o‘rin olgan “PSJ” – “Barselona” uchrashuvi hissiyotlarni jumbushga keltirdi. Xavi boshchiligidagi jamoa “Park de Prens”da 3:2 hisobida qiyin va muhim g‘alabaga erishdi.
Parijda bo‘lib o‘tgan o‘yin juda ko‘p hissiyotlarni olib keldi. Biroq, ushbu o‘yin davomida muxlislar bilan bog‘liq ko‘plab noxush hodisalar yuz berdi.
L'Equipe nashrining xabar berishicha, Ispaniya chempionining ikki muxlisi hibsga olingan. Bu o‘yin davomida ko‘rsatilgan nasistlarning imo-ishoralari natijasidir.
"PSJ" bu vaziyatni e’tiborsiz qoldirmadi va UEFAga uchta shikoyat yubordi. Ular urush jinoyatlarini qo‘llab-quvvatlash, taqiqlangan imo-ishoralarni targ‘ib qilish, irqchilik va haqoratomuz sharhlar bilan bog‘liq. "Barselona" jazoga tortilishi mumkin.
Yevropa futbol federasiyasi allaqachon bu borada tekshiruv boshlagan. Mundo Deportivo qo‘shimcha qilganidek, Ispaniya chempioni moliyaviy jarima va Chempionlar ligasidagi navbatdagi safar o‘yiniga muxlislarsiz borishi kutilmoqda.
