"Bayer" qanot himoyachisi Jeremi Frimpong yozgi transfer oynasida klubini o‘zgartirishi mumkin.

Jurnalist Ekrem Konurning yozishicha, 23 yoshli niderlandiyalik futbolchi mavsum yakunida Yevropa gigantlaridan biriga o‘tish uchun Leverkuzenni tark etishga tayyor.

Avvalroq, Frimpong xizmatlariga "Bavariya", "Real" va "Manchester Yunayted" klublari qiziqish bildirayotgani haqida ma’lumotlar paydo bo‘lgandi.

Joriy mavsumda u barcha turnirlarda 38 ta uchrashuvda ishtirok etib, 12 ta gol urdi va 11 ta golli uzatmani amalga oshirdi.