"Milan"ning "Roma" bilan o‘yindagi muvaffaqiyatsizligidan so‘ng, shartnomasi yakunlanayotgan Stefano Pioli haqida yana savollar paydo bo‘ldi.
Biroq “Milan” rahbariyati qaror bitta o‘yin natijasiga emas, balki butun mavsum yakuniga ko‘ra qabul qilinishiga barchani ishontirmoqda.
Bu haqda klub ma’muri Jorjio Furlani aytdi.
"Murabbiyning ishiga bir o‘yindan kelib chiqib baho berish adolatsizlikdir, biz butun mavsumni baholaymiz.
Ko‘ramiz, mavsum qanday yakunlanadi, biz murabbiyimizga ishonamiz", - deya Furlanining so‘zlarini keltiradi pianetamilan.it.
