17 aprel, chorshanba kuni Madridning "Real" klubi safarda "Manchester Siti" mehmoni bo‘ladi.

Relevo nashri xabariga ko‘ra, "Los-Blankos" bosh murabbiyi Karlo Anchelotti jamoasi "shaharliklar" bilan mehmondagi ilk daqiqalarda qanday harakat qilishini hali hal qilmagan.

Ma’lum qilinishicha, “Real Madrid” mashg‘ulotlarda “Manchester Siti”ga ko‘p bo‘sh joy bermaslik uchun yuqori pressing, shuningdek, yopiq o‘yin variantlarini ishlab chiqqan. Manbaga ko‘ra, Anchelotti ikkala variantni ham tavakkal deb hisoblaydi, shuning uchun u hali o‘yin rejasini tanlay olmadi.

"Manchester Siti" va "Real" o‘rtasidagi Chempionlar ligasi 1/4 finalining javob uchrashuvi 17 aprel kuni bo‘lib o‘tadi. Uchrashuv Toshkent vaqti bilan soat 23:59da boshlanishi rejalashtirilgan.

Eslatib o‘tamiz, Madridda bo‘lib o‘tgan birinchi o‘yin 3:3 hisobida yakunlangandi.