17 апрель, чоршанба куни Мадриднинг "Реал" клуби сафарда "Манчестер Сити" меҳмони бўлади.
Relevo нашри хабарига кўра, "Лос-Бланкос" бош мураббийи Карло Анчелотти жамоаси "шаҳарликлар" билан меҳмондаги илк дақиқаларда қандай ҳаракат қилишини ҳали ҳал қилмаган.
Маълум қилинишича, “Реал Мадрид” машғулотларда “Манчестер Сити”га кўп бўш жой бермаслик учун юқори прессинг, шунингдек, ёпиқ ўйин вариантларини ишлаб чиққан. Манбага кўра, Анчелотти иккала вариантни ҳам таваккал деб ҳисоблайди, шунинг учун у ҳали ўйин режасини танлай олмади.
"Манчестер Сити" ва "Реал" ўртасидаги Чемпионлар лигаси 1/4 финалининг жавоб учрашуви 17 апрель куни бўлиб ўтади. Учрашув Тошкент вақти билан соат 23:59да бошланиши режалаштирилган.
Эслатиб ўтамиз, Мадридда бўлиб ўтган биринчи ўйин 3:3 ҳисобида якунланганди.
