Kilian Mbappe Chempionlar ligasining eng yaxshi to‘purarlari o‘ntaligiga kirdi.
"PSJ" forvardi "Barselona" bilan 1/4 final javob uchrashuvida (4:1) dubl qayd etdi.
25 yoshli futbolchining hisobida Chempionlar ligasidagi 48 ta gol bor. U Zlatan Ibrahimovich va Andriy Shevchenko bilan birgalikda turnir tarixidagi gollar soni bo‘yicha to‘qqizinchi o‘rinni egallab turibdi.
Chempionlar ligasi tarixidagi eng yaxshi to‘purarlar (saralash bosqichidagi gollardan tashqari):
1. Krishtianu Ronaldu – 140 gol
2. Lionel Messi – 129
3. Robert Levandovski – 94
4. Karim Benzema – 90
5. Raul – 71
6. Rud van Nistelroy – 56
7. Tomas Myuller – 54
8. Tyerri Anri – 50
9-11. Kilian Mbappe – 48
9-11. Zlatan Ibragimovich – 48
9-11. Andrey Shevchenko – 48
