"Nottingem Forest"da o‘ynayotgan 21 yoshli braziliyalik himoyachi Murillo faoliyatini Ispaniya chempionatida davom ettirishi mumkin. Todofichajes jurnalistlari xabariga ko‘ra, "Real" futbolchini o‘z safiga qo‘shib olmoqchi.

Qirollik klubi David Alaba va Eder Militaoning so‘nggi jarohatlari tufayli yangi himoyachi qidirmoqda. Murillo joriy mavsum Angliya chempionatida 27 ta o‘yinda maydonga tushib, 2 ta golli uzatmani amalga oshirdi va 4 ta sariq kartochka oldi.

Braziliyalik futbolchining transfer narxi 25 million yevroga baholangan va uning shartnomasi 2028 yilning yoziga qadar amal qiladi.