"Ноттингем Форест"да ўйнаётган 21 ёшли бразилиялик ҳимоячи Мурилло фаолиятини Испания чемпионатида давом эттириши мумкин. Todofichajes журналистлари хабарига кўра, "Реал" футболчини ўз сафига қўшиб олмоқчи.
Қироллик клуби Давид Алаба ва Эдер Милитаонинг сўнгги жароҳатлари туфайли янги ҳимоячи қидирмоқда. Мурилло жорий мавсум Англия чемпионатида 27 та ўйинда майдонга тушиб, 2 та голли узатмани амалга оширди ва 4 та сариқ карточка олди.
Бразилиялик футболчининг трансфер нархи 25 миллион еврога баҳоланган ва унинг шартномаси 2028 йилнинг ёзига қадар амал қилади.
