Stefano Pioli "Roma"ga qarshi javob o‘yini oldidan fikr bildirdi.
Yevropa ligasi 1/4 finalining ilk o‘yinida “Milan” o‘z maydonida rimliklarga 0:1 hisobida imkoniyatni boy berdi.
"Men bu o‘yinga ishonch bilan boryapman, chunki futbolchilarim nimalarga qodirligini bilaman. Ishonchim komilki, ular bunday muhim uchrashuvlarda nima qilish kerakligini bilishadi.
Birinchi o‘yin bilan solishtirganda ba’zi kichik narsalarni yaxshilashimiz kerak.
Bu bizning Yevropadagi ambisiyalarimiz uchun hal qiluvchi daqiqalardir. Biz maydonda o‘zimizning eng yaxshi fazilatlarimizni ko‘rsatishimiz va har bir tomchi terni siqib chiqarishimiz kerak", - dedi “Milan” bosh murabbiyi.
