"Bayer" o‘zining mag‘lubiyatsiz seriyasini uzaytirdi.
Xabi Alonso shogirdlari Yevropa ligasi chorak final javob o‘yinida “Vest Xem” bilan durang o‘ynadi (1:1, birinchi o‘yin 2:0).
Leverkuzen klubi joriy mavsumda birorta ham mag‘lubiyat alamini totib ko‘rmadi - 38 g‘alaba va 6 durang. U oxirgi marta 2023 yilning may oyida mag‘lubiyatga uchragan.
Mavsum boshidan beri mag‘lubiyatmiz o‘tkazilgan 44 uchrashuvdan iborat seriya top 5 liga uchun rekord hisoblanadi. Avvalroq “Bayer” 2011/12 yilgi mavsumda 42 ta o‘yinda mag‘lub bo‘lmagan “Yuventus”ni ortda qoldirgan edi.
21 aprel kuni Germaniya chempionligini kafolatlagan “Bayer” Bundesliganing 30-turi doirasida Dortmundning “Borussiya”siga qarshi maydonga tushadi.
