"Байер" ўзининг мағлубиятсиз сериясини узайтирди.

Хаби Алонсо шогирдлари Европа лигаси чорак финал жавоб ўйинида “Вест Хэм” билан дуранг ўйнади (1:1, биринчи ўйин 2:0).

Леверкузен клуби жорий мавсумда бирорта ҳам мағлубият аламини тотиб кўрмади - 38 ғалаба ва 6 дуранг. У охирги марта 2023 йилнинг май ойида мағлубиятга учраган.

Мавсум бошидан бери мағлубиятмиз ўтказилган 44 учрашувдан иборат серия топ 5 лига учун рекорд ҳисобланади. Аввалроқ “Байер” 2011/12 йилги мавсумда 42 та ўйинда мағлуб бўлмаган “Ювентус”ни ортда қолдирган эди.

21 апрель куни Германия чемпионлигини кафолатлаган “Байер” Бундеслиганинг 30-тури доирасида Дортмунднинг “Боруссия”сига қарши майдонга тушади.