Kirill Breydoning xabar berishicha, Abbos Fayzullayev RPLda "Spartak" bilan o‘ynashga ulguradi.

SSKA yarim himoyachisi 25 yoki 26 aprel kunlari U-23 Osiyo kubogida O‘zbekiston olimpiya terma jamoasi safiga qo‘shilishi avvalroq ma’lum bo‘lgandi.

"Ko‘pchilik biladiki, O‘zbekiston Futbol Federasiyasi bilan ko‘p qirrali mustahkam aloqalarimiz bor.

Albatta, Parijda bo‘lib o‘tadigan yozgi Olimpiya o‘yinlariga ham saralash hisoblangan yoshlar o‘rtasidagi Osiyo kubogi muhimligini tushunamiz. U yerga sayohat mamlakat uchun tarixiy voqea bo‘lishi mumkin - bu turnirning ahamiyati va hukumatning barcha darajalarida unga bo‘lgan e’tibori kuchli.

Lekin bizning hamkorlarimiz ham klub hozir mavsumning eng muhim pallasida ekanligini tushunishadi. Taqvim juda tig‘iz, kelasi payshanba kuni jamoani “Spartak” bilan o‘yin o‘tkazadi – derbining muxlislar uchun ahamiyati haqida gapirishning hojati yo‘q.

Ushbu o‘yin oldidan U-23 Osiyo kubogining guruh bosqich bahsi bor. Ishonchimiz komilki, butun guruh bosqichi muvaffaqiyatli yakunlanadi va Abbos jamoaga chorak finalda qo‘shila oladi – “Spartak” bilan o‘yinimizdan so‘ng darhol.

Eng muhim o‘yinlarda mamlakatni himoya qilish har bir futbolchi uchun katta sharaf va bu futbolchining o‘zi uchun qanchalik muhimligini bilamiz. Natijada oliy darajadagi uzoq va samarali muloqotdan so‘ng barcha tomonlarni qanoatlantirgan yechim topildi.

Biz Abbosga muvaffaqiyatli o‘yin tilaymiz va uning jamoaga qaytishini intiqlik bilan kutamiz. Turnirning final o‘yini 3 may kuni bo‘lib o‘tishi rejalashtirilgan", - deb yozdi SSKA  direktori.