"Vulverxempton" bosh murabbiyi Gari O'Nil "Arsenal"ga qarshi Angliya chempionati 34-tur uchrashuvidan so‘ng o‘z fikrlarini bildirib o‘tdi. Uchrashuv “kanonirlar”ning 2:0 hisobidagi g‘alabasi bilan yakunlangan edi.
"Jamoamiz bir nechta tarkibiy qismlarni yaxshilashi kerak. Bunda bizga tanaffus va mavsumoldi yig‘in yordam beradi. Bugun ochko ololmaganimizdan hafsalamiz pir bo‘ldi, ular biz uchun juda muhim bo‘lardi, ammo jamoamning o‘yinidan faxrlanaman.
"Vulverxempton" bugun agressiv harakat qildi, maydonning har bir qismida bor kuchi bilan pressing qildi. Afsuski, natijaga erishib bo‘lmadi”, - dedi mutaxassis matbuot anjumanida.
"Vulverxempton" hisobida 43 ochko bor va APL turnir jadvalida 11-o‘rinda bormoqda.
