"Вулверхэмптон" бош мураббийи Гари O'Нил "Арсенал"га қарши Англия чемпионати 34-тур учрашувидан сўнг ўз фикрларини билдириб ўтди. Учрашув “канонирлар”нинг 2:0 ҳисобидаги ғалабаси билан якунланган эди.
"Жамоамиз бир нечта таркибий қисмларни яхшилаши керак. Бунда бизга танаффус ва мавсумолди йиғин ёрдам беради. Бугун очко ололмаганимиздан ҳафсаламиз пир бўлди, улар биз учун жуда муҳим бўларди, аммо жамоамнинг ўйинидан фахрланаман.
"Вулверхэмптон" бугун агрессив ҳаракат қилди, майдоннинг ҳар бир қисмида бор кучи билан прессинг қилди. Афсуски, натижага эришиб бўлмади”, - деди мутахассис матбуот анжуманида.
"Вулверхэмптон" ҳисобида 43 очко бор ва АПЛ турнир жадвалида 11-ўринда бормоқда.
