“Bavariya” bosh murabbiyi Tomas Tuxel mavsum yakunida jamoadan ketishini aytib o‘tgan edi. U fikrini o‘zgartirish niyatida emasligini bildirdi.

“Jamoada hozir kayfiyat yaxshi. Chempionlar ligasidagi g‘alaba jamoaning o‘ziga bo‘lgan ishonchni qayta tikladi. Buni kechagi o‘yinda ham guvohi bo‘ldingiz, deb o‘ylayman. Ketish qarorimni o‘zgartiramanmi? Menimcha, yo‘q. Chunki qarorlarni ularni o‘zgartirish uchun qabul qilmayman”, dedi murabbiy.

Tomas fevralda mavsum tugashi bilan klubni tark etishini aytdi va bunga hech kim qarshi bo‘lmadi. Endi esa jamoa rahbarlari uning o‘rniga munosib nomzod topishga qiynalmoqda.