“Бавария” бош мураббийи Томас Тухель мавсум якунида жамоадан кетишини айтиб ўтган эди. У фикрини ўзгартириш ниятида эмаслигини билдирди.

“Жамоада ҳозир кайфият яхши. Чемпионлар лигасидаги ғалаба жамоанинг ўзига бўлган ишончни қайта тиклади. Буни кечаги ўйинда ҳам гувоҳи бўлдингиз, деб ўйлайман. Кетиш қароримни ўзгартираманми? Менимча, йўқ. Чунки қарорларни уларни ўзгартириш учун қабул қилмайман”, деди мураббий.

Томас февралда мавсум тугаши билан клубни тарк этишини айтди ва бунга ҳеч ким қарши бўлмади. Энди эса жамоа раҳбарлари унинг ўрнига муносиб номзод топишга қийналмоқда.