“Liverpul” bosh murabbiyi Yurgen Klopp mavsum yakunida ingliz klubini tark etadi.
"Focus" nashri xabariga ko‘ra, Myunxenning "Bavariya" klubi hozirda Kloppni 2025 yilning yozida jamoaga bosh murabbiy etib tayinlash variantini ko‘rib chiqmoqda. Shu bilan birga, jamoa rahbariyati 2024/2025 yilgi mavsum uchun murabbiylik lavozimida ishlaydigan odamni topishi kerak. Qayd etilishicha, Xans-Diter Flik myunxenliklar jamoasiga vaqtinchalik murabbiy bo‘lishi mumkin.
Eslatib o‘tamiz, yanvar oyida Yurgen Klopp joriy mavsum yakunida "Liverpul"ni tark etishini ma’lum qilgandi. Nemis mutaxassisi o‘z bayonotida endi jamoani boshqarishga energiyasi yo‘qligini aytib o‘tdi.
