"Chelsi" markaziy himoyachisi Tyago Silva Angliya kubogi yarim finalida "Manchester Siti"ga qarshi o‘yindan so‘ng (0:1) London klubidagi kelajagi haqida o‘z fikrlari bilan o‘rtoqlashdi.
“Yaqin kunlarda bilib olasiz. Mag‘lubiyatdan keyin hozir hech narsa demoqchi emasman. Natijadan afsusdaman, lekin ertami-kechmi yangiliklar ma’lum bo‘ladi. Menda yechim bor, lekin hozir uni baham ko‘rish vaqti emas. Bu individual sport turi emas, lekin bu yerdagi to‘rt yilim juda yaxshi o‘tdi. Gap o‘zimga ishonmaganimdan emas, yoshim va bu liganing shiddatliligi bilan... Bu yerda 39 yoshli yuqori saviyali futbolchilarni ko‘rish kamdan-kam uchraydi.
Men o‘zim haqimda gapirishni yoqtirmayman. Yarim finalda qo‘shimcha vaqtda o‘ynashga ham tayyor edim! Ko‘ryapmanki, menda futboldan zavqlanishda davom etishim uchun yana bir necha yil bor", - deya himoyachining so‘zlarini keltiradi The Standard.
Italiyalik insayder Fabrisio Romanoning so‘zlariga ko‘ra, Tyago Silva mavsum oxirida London klubini tark etishi kutilmoqda.
