"Челси" марказий ҳимоячиси Тьяго Силва Англия кубоги ярим финалида "Манчестер Сити"га қарши ўйиндан сўнг (0:1) Лондон клубидаги келажаги ҳақида ўз фикрлари билан ўртоқлашди.
“Яқин кунларда билиб оласиз. Мағлубиятдан кейин ҳозир ҳеч нарса демоқчи эмасман. Натижадан афсусдаман, лекин эртами-кечми янгиликлар маълум бўлади. Менда ечим бор, лекин ҳозир уни баҳам кўриш вақти эмас. Бу индивидуал спорт тури эмас, лекин бу ердаги тўрт йилим жуда яхши ўтди. Гап ўзимга ишонмаганимдан эмас, ёшим ва бу лиганинг шиддатлилиги билан... Бу ерда 39 ёшли юқори савияли футболчиларни кўриш камдан-кам учрайди.
Мен ўзим ҳақимда гапиришни ёқтирмайман. Ярим финалда қўшимча вақтда ўйнашга ҳам тайёр эдим! Кўряпманки, менда футболдан завқланишда давом этишим учун яна бир неча йил бор", - дея ҳимоячининг сўзларини келтиради The Standard.
Италиялик инсайдер Фабрицио Романонинг сўзларига кўра, Тьяго Силва мавсум охирида Лондон клубини тарк этиши кутилмоқда.
