O‘zbekiston futzal milliy terma jamoasi Avstraliya, Iroq va Saudiya Arabistoni ustidan qozonilgan g‘alabalar evaziga ketma-ket 15-marta Osiyo kubogi chorak finaliga yo‘l oldi.
Uchrashuvdan so‘ng jamoa bosh murabbiyi Xose Venansio Lopez o‘z fikrlarini bildirib o‘tdi:
“Meni quvontirgan narsa shuki, yigitlar qiyin davrlarda ham vaziyatni ijobiy tomonga o‘zgartirib, g‘alaba qozonishimiz mumkinligiga ishonch uyg‘ota olishmoqda. Ikkinchidan, jamoa sifatida o‘yinimiz yuqori darajada ekanligini his qilyapman, bu juda quvonarli. Guruh g‘olibligini qo‘lga kiritib, dastlabki maqsadimizga erishganimizdan xursand bo‘lsak-da, bor diqqat-e’tiborimiz Vyetnamga qarshi chorak final uchrashuviga qaratilgan”.
