Ўзбекистон футзал миллий терма жамоаси Австралия, Ироқ ва Саудия Арабистони устидан қозонилган ғалабалар эвазига кетма-кет 15-марта Осиё кубоги чорак финалига йўл олди.
Учрашувдан сўнг жамоа бош мураббийи Хосе Венансио Лопез ўз фикрларини билдириб ўтди:
“Мени қувонтирган нарса шуки, йигитлар қийин даврларда ҳам вазиятни ижобий томонга ўзгартириб, ғалаба қозонишимиз мумкинлигига ишонч уйғота олишмоқда. Иккинчидан, жамоа сифатида ўйинимиз юқори даражада эканлигини ҳис қиляпман, бу жуда қувонарли. Гуруҳ ғолиблигини қўлга киритиб, дастлабки мақсадимизга эришганимиздан хурсанд бўлсак-да, бор диққат-эътиборимиз Вьетнамга қарши чорак финал учрашувига қаратилган”.
