"Arsenal" bosh murabbiyi Mikel Arteta o‘z lavozimini egallashdan oldin Maurisio Pochettinodan qanday maslahat so‘raganini aytdi.
2019 yilning dekabrida ispaniyalik mutaxassis Pep Gvardiolaning yordamchisi bo‘lgan "Manchester Siti"ni tark etib, "kanonirlar" boshqaruvchisi lavozimini egallagan edi. "Arsenal"ning "Chelsi"ga qarshi to‘qnashuvi oldidan Arteta muhim qarorini qabul qilishdan oldin "ko‘klar"ning hozirgi bosh murabbiyi Maurisio Pochettino bilan maslahatlashganini esladi.
“Men qaror qabul qilishim kerak bo‘lganida, Pochettinoga murojaat qildim va vaziyatni tushuntirdim. U menga men uchun muhim bo‘lgan maslahatlar berdi. Maurisio nimaga erishganiga qoyil qolaman. U faoliyatimdagi muhim nuqtada menga katta ta’sir ko‘rsatdi. Men uchun undan ko‘ra yaxshiroq namuna yo‘q", - deya Arteta so‘zlarini keltiradi Fotmob.
