"Арсенал" бош мураббийи Микель Артета ўз лавозимини эгаллашдан олдин Маурисио Почеттинодан қандай маслаҳат сўраганини айтди.
2019 йилнинг декабрида испаниялик мутахассис Пеп Гвардиоланинг ёрдамчиси бўлган "Манчестер Сити"ни тарк этиб, "канонирлар" бошқарувчиси лавозимини эгаллаган эди. "Арсенал"нинг "Челси"га қарши тўқнашуви олдидан Артета муҳим қарорини қабул қилишдан олдин "кўклар"нинг ҳозирги бош мураббийи Маурисио Почеттино билан маслаҳатлашганини эслади.
“Мен қарор қабул қилишим керак бўлганида, Почеттинога мурожаат қилдим ва вазиятни тушунтирдим. У менга мен учун муҳим бўлган маслаҳатлар берди. Маурисио нимага эришганига қойил қоламан. У фаолиятимдаги муҳим нуқтада менга катта таъсир кўрсатди. Мен учун ундан кўра яхшироқ намуна йўқ", - дея Артета сўзларини келтиради Fotmob.
