Butunjahon boks ittifoqi (WBC) aprel oyi uchun yangilangan reytingni e’lon qildi. Bu haqida O‘zbekiston professional boks federasiyasi xabar bermoqda.

Unga ko‘ra, Bahodir Jalolov mart oyidagi o‘rnini saqlab qoldi — 12-pog‘ona. Shahram G‘iyosov va Olimjon Nazarov o‘tgan oydagi reyting o‘rinlariga nisbatan bir pog‘onaga ko‘tarilib olgan. Bektemir Meliqo‘ziyev va Hasanboy Do‘stmatov aksincha, bir o‘ringa pastlagan.

Reytingdan 8 nafar o‘zbekistonlik bokschi o‘rin olgan:

Superog‘ir vazn: Bahodir Jalolov o‘tgan oydagi kabi 12-o‘rinda qolgan;

Supero‘rta vazn toifasi (-76,2 kg): Bektemir Meliqo‘ziyev bir pog‘ona pastladi va 14-o‘ringa joylashdi;

Yarimo‘rta vazn (-66,6 kg): Shahram G‘iyosov o‘tgan oydan bir pog‘ona yuqorilab, 11-o‘rinni egallagan bo‘lsa;

Jahongir Rasulov bir pog‘onaga pastladi — 33-o‘rin;

Birinchi yarimengil vazn (-55,3 kg): Murodjon Ahmadaliyev 4-o‘rinda qoldi;

Mirazizbek Mirzaxalilov bir pog‘onaga pastlab, 27-o‘rinni band etdi;

Yengil vazn (-50,82 kg): Olimjon Nazarov 1 pog‘ona yuqorilab, 31-o‘ringa joylashdi;

Birinchi o‘ta yengil vazn (-47,6 kg): Hasanboy Do‘stmatov bir pog‘onaga pastladi — 6-o‘rin.