Angliyaning “Aston Villa” klubi yozgi transfer oynasi uchun tarkibini jiddiy ravishda kuchaytirishni rejalashtirgan.
Jamoada Chempionlar ligasiga chiqish uchun yaxshi imkoniyat bor, shuning uchun rahbariyat bir vaqtning o‘zida bir nechta sifatli yangi o‘yinchilarni taklif qilishga tayyor. Football Espana xabariga ko‘ra, Birmingem klubi "Atletik Bilbao" hujumchisi Niko Uilyamsga ko‘z tikkan. "Aston Villa" bosh murabbiyi Unai Emeri Ispaniya terma jamoasi futbolchisini juda yaxshi ko‘radi.
Eslatib o‘tamiz, Uilyamsga Yevropaning ko‘plab top-klublari, jumladan, Londonning “Chelsi”si va Kataloniyaning “Barselona”si qiziqmoqda. Ispaniya chempionatining ushbu mavsumida Niko 3 ta gol urdi va 8 ta golli uzatmani amalga oshirdi.
