Bundan roppa-rosa 20 yil avval, 2004 yilning 25 aprelida "Arsenal" muddatidan avval Angliya chempioniga aylangandi.
"Kanonirlar" "Tottenxem"ga qarshi derbidan so‘ng chempionlikni qo‘lga kiritishgandi. "Uayt Xart Leyn" stadionida kechgan o‘yin 2:2 hisobidagi durang bilan yakunlangandi.
"Arsenal" chempionatining keyingi to‘rt turida u yana sakkiz ochko jamg‘arib, o‘ziga xos yutuqni qayd etgandi – jamoa Premyer-liga mavsumini mag‘lubiyatsiz o‘tkazdi (38 turda 26 g‘alaba va 12 durang). Hozirgacha bu yutuqni hech kim takrorlamagan.
2004 yildan keyin "Arsenal" hech qachon Angliya chempioni bo‘lmagan. Joriy mavsumda "kanonirlar" "Manchester Siti" va "Liverpul" bilan chempionlik uchun kurashmoqda.
