Huquqlari Frankfurtning “Ayntraxt” klubiga tegishli bo‘lgan himoyachi Villian Pacho Angliyaning top-klublaridan birining manfaatlari doirasida bo‘lib turibdi.
Insayder Santi Auna xabariga ko‘ra, "Liverpul" futbolchini o‘z safiga qo‘shib olmoqchi. Jurnalistning xabar berishicha, nemis klubi futbolchini 65 million yevroga sotishga tayyor. Avvalroq matbuotda Villianga APLning yana bir vakili – Londonning “Arsenal” klubi qiziqish bildirayotgani haqida xabarlar tarqalgandi.
Pacho 2023 yilning yozidan beri Frankfurtning “Ayntraxt” klubi sharafini himoya qilib kelmoqda. Tomonlar o‘rtasidagi amaldagi shartnoma muddati 2027/2028 yilgi mavsum oxirigacha. Joriy mavsumda u 40 ta o‘yin o‘tkazib, golli uzatmani amalga oshirdi.
