Ҳуқуқлари Франкфуртнинг “Айнтрахт” клубига тегишли бўлган ҳимоячи Виллиан Пачо Англиянинг топ-клубларидан бирининг манфаатлари доирасида бўлиб турибди.
Инсайдер Санти Ауна хабарига кўра, "Ливерпуль" футболчини ўз сафига қўшиб олмоқчи. Журналистнинг хабар беришича, немис клуби футболчини 65 миллион еврога сотишга тайёр. Аввалроқ матбуотда Виллианга АПЛнинг яна бир вакили – Лондоннинг “Арсенал” клуби қизиқиш билдираётгани ҳақида хабарлар тарқалганди.
Пачо 2023 йилнинг ёзидан бери Франкфуртнинг “Айнтрахт” клуби шарафини ҳимоя қилиб келмоқда. Томонлар ўртасидаги амалдаги шартнома муддати 2027/2028 йилги мавсум охиригача. Жорий мавсумда у 40 та ўйин ўтказиб, голли узатмани амалга оширди.
