“Roma” hujumchisi Paulo Dibala “Udineze”ga qarshi bahsda yana gol urdi.
Bugun yakuniga yetgan A seriyaning 32-tur uchrashuvi rimliklarning 2:1 hisobidagi g‘alabasi bilan yakunlandi.
95-daqiqada urilgan hal qiluvchi gol muallifi Brayan Kristante bo‘ldi, unga Dibala assistentlik qildi.
Opta xabariga ko‘ra, Dibala so‘nggi 20 mavsumda Italiya chempionatida bitta raqibga qarshi 20 ta samarali harakat qilgan ikkinchi futbolchiga aylandi.
Argentinalik futbolchi "Udineze" bilan o‘yinlarda 20 ta golda bevosita ishtirok etgan (11 ta gol va 9 ta golli uzatma) - ko‘rsatilgan vaqt ichida bunga faqat Franchesko Totti ("Parma"ga qarshi o‘yinlarda 13 ta gol va 7 ta golli uzatma) erishgan edi.
