“Рома” ҳужумчиси Пауло Дибала “Удинезе”га қарши баҳсда яна гол урди.

Бугун якунига етган А сериянинг 32-тур учрашуви римликларнинг 2:1 ҳисобидаги ғалабаси билан якунланди.

95-дақиқада урилган ҳал қилувчи гол муаллифи Брайан Кристанте бўлди, унга Дибала ассистентлик қилди.

Opta хабарига кўра, Дибала сўнгги 20 мавсумда Италия чемпионатида битта рақибга қарши 20 та самарали ҳаракат қилган иккинчи футболчига айланди.

Аргентиналик футболчи "Удинезе" билан ўйинларда 20 та голда бевосита иштирок этган (11 та гол ва 9 та голли узатма) - кўрсатилган вақт ичида бунга фақат Франческо Тотти ("Парма"га қарши ўйинларда 13 та гол ва 7 та голли узатма) эришган эди.