Yakshanba kuni Angliya Premyer-ligasida "Tottenxem" va "Arsenal" o‘rtasida derbi bo‘lib o‘tadi. "Kanonirlar" ustozi Mikel Arteta raqibi Ange Postekoglu haqida fikr bildirdi.
"Uning qilgan ishi haqiqatan ham ta’sirli. Buning ajablanarli joyi yo‘q, chunki men uni Avstraliya terma jamoasi bilan ishlagandan beri bilaman. Uni kuzatishda davom etdim, uning "Seltik"dagi faoliyatini ko‘rdim. Ange har doim o‘z jamoasining o‘yin yo‘nalishi va xarakterini aniq belgilab bergan. Menga uning jamoalarining o‘yinlari yoqadi, shuning uchun u juda zo‘r deb o‘ylayman", dedi Arteta matbuot anjumanida.
“Arsenal” joriy mavsum chempionlik uchun, “Tottenxem” esa Chempionlar Ligasi zonasi uchun kurashmoqda.
