Якшанба куни Англия Премьер-лигасида "Тоттенхэм" ва "Арсенал" ўртасида дерби бўлиб ўтади. "Канонирлар" устози Микель Артета рақиби Анге Постекоглу ҳақида фикр билдирди.
"Унинг қилган иши ҳақиқатан ҳам таъсирли. Бунинг ажабланарли жойи йўқ, чунки мен уни Австралия терма жамоаси билан ишлагандан бери биламан. Уни кузатишда давом этдим, унинг "Селтик"даги фаолиятини кўрдим. Анге ҳар доим ўз жамоасининг ўйин йўналиши ва характерини аниқ белгилаб берган. Менга унинг жамоаларининг ўйинлари ёқади, шунинг учун у жуда зўр деб ўйлайман", деди Артета матбуот анжуманида.
“Арсенал” жорий мавсум чемпионлик учун, “Тоттенхэм” эса Чемпионлар Лигаси зонаси учун курашмоқда.
