Ispaniya chempionatida 33-tur o‘yinlari bo‘lib o‘tdi, “Xetafe” “Almeriya” ustidan g‘alaba qozonib, raqiblarini Ispaniya futboli oliy ligasidan tushib ketishiga sabab bo‘ldi.

Meyson Grinvud ikkita gol urganidan so‘ng, Xayme Mata jamoasining uchinchi golini kiritdi. Ma’lum bo‘lishicha, u shu tariqa klub rekordini takrorladi.

Gap shundaki, bu gol uning La Ligadagi “Xetafe” libosidagi 37-gol bo‘ldi. Hozircha Mata birinchi o‘rinni Manu del Moral bilan bo‘lishib turibdi, ammo keyingi gol unga bu bu borada yagona yetakchi bo‘lishga imkon beradi.