"Barselona"ning ikkinchi jamoasini boshqarayotgan meksikalik mutaxassis Rafael Markes joriy mavsum oxirida Kataloniya klubini tark etishi mumkin. Ma’lum bo‘lishicha, 45 yoshli murabbiy "ko‘k-anorranglilar" bilan shartnomasini uzaytirishga shubha qilmoqda.

U asosiy jamoada ishlashini kutgandi, ammo Xavi Ernandes klubda qolishga qaror qildi. Markes "Barselona" rahbariyati unga ishonmaganidan xafa.

Rafael va "blaugrana" o‘rtasidagi amaldagi shartnoma 2024 yilning iyun oyi oxirigacha mo‘ljallangan. U jamoa bilan 2022 yilning yozidan beri ishlab kelmoqda.