“Inter” markaziy himoyachisi Alessandro Bastoni nega jamoasiga yangi mavsumda muvaffaqiyatga erishish qiyinroq bo‘lishini tushuntirdi.
"Neradzurrilar" raqiblariga hech qanday imkoniyat qoldirmay, 20-marta A Seriya g‘olibiga aylanishdi. Simone Indzagi shogirdlari turnir yakuniga besh tur qolganda chempionlikni kafolatladi.
Hozirda “Inter” 89 ochkoga ega bo‘lib, ikkinchi o‘rindagi “Milan”dan 19 ochkoga ko‘p jamg‘argan.
"Futboldagi eng qiyin narsa bu yuqori saviyani saqlab qolishdir. Endi bizdan umidlar juda yuqori bo‘ladi va biz sekinlashganimiz bilan hamma barmoqlarini ko‘rsata boshlaydi.
Ammo bizda boshlagan ishimizni davom ettirish istagi juda katta – barchamiz yoshmiz va g‘alaba qozonish ishtiyoqiga to‘lamiz", — deya Bastonining so‘zlarini keltiradi jurnalist Daniele Mari.
