“Интер” марказий ҳимоячиси Алессандро Бастони нега жамоасига янги мавсумда муваффақиятга эришиш қийинроқ бўлишини тушунтирди.
"Нерадзуррилар" рақибларига ҳеч қандай имконият қолдирмай, 20-марта А Серия ғолибига айланишди. Симоне Индзаги шогирдлари турнир якунига беш тур қолганда чемпионликни кафолатлади.
Ҳозирда “Интер” 89 очкога эга бўлиб, иккинчи ўриндаги “Милан”дан 19 очкога кўп жамғарган.
"Футболдаги энг қийин нарса бу юқори савияни сақлаб қолишдир. Энди биздан умидлар жуда юқори бўлади ва биз секинлашганимиз билан ҳамма бармоқларини кўрсата бошлайди.
Аммо бизда бошлаган ишимизни давом эттириш истаги жуда катта – барчамиз ёшмиз ва ғалаба қозониш иштиёқига тўламиз", — дея Бастонининг сўзларини келтиради журналист Даниэле Мари.
