"Barselona" yozda eng qimmat futbolchilaridan biri bilan xayrlashishga tayyor. Radio Marca xabariga ko‘ra, "blaugrana" 21 yoshli yarim himoyachi Pedrining transferi bo‘yicha takliflarni ko‘rib chiqishi mumkin.

Shu munosabat bilan Kataloniya grandi xo‘jayinlari yarim himoyachi bilan yangi mehnat shartnomasi bo‘yicha muzokaralarni to‘xtatdi. Pedrining amaldagi shartnomasi 2026 yilgacha mo‘ljallangan. Joriy mavsumda u 29 ta o‘yin o‘tkazib, 2 ta gol urdi va 5 ta golli uzatmani amalga oshirdi.

Transfermarkt futbolchini 80 million yevroga baholamoqda. Avvalroq iqtidorli yarim himoyachiga "Manchester Siti" va "PSJ" klublaridan qiziqish bildirilgan edi.