"Tottenxem" bosh murabbiyi Angelos Postekoglu hujumchi Timo Verner bilan bog‘liq vaziyat haqida gapirdi.

28 yoshli futbolchi "shporlar" safida boshqa o‘ynamasligi mumkin, "RB Leypsig"dan ijaraga olingan nemis futbolchisi jarohat olgan, shu sabab u mavsumning qolgan qismini o‘tkazib yuborishi kutilmoqda. Iyun oyida ijara muddati tugaydi va "Tottenxem" hujumchini sotib olish imkoniyatidan foydalanishi noma’lum.

"Vernerning kelishi biz uchun katta foyda bo‘ldi, u katta ta’sir o‘tkazdi, ammo yakuniy qarorlarni qabul qilish uchun men variantlarimiz qanday bo‘lishi haqida aniqlik kiritishim kerak", - dedi Postekoglu "Chelsi"ga qarshi o‘yin oldidan.

Timo Verner “Tottenxem” safida 14 ta o‘yinda 2 ta gol va 3 ta golli uzatmaga mualliflik qilgan.