"Тоттенхэм" бош мураббийи Ангелос Постекоглу ҳужумчи Тимо Вернер билан боғлиқ вазият ҳақида гапирди.
28 ёшли футболчи "шпорлар" сафида бошқа ўйнамаслиги мумкин, "РБ Лейпциг"дан ижарага олинган немис футболчиси жароҳат олган, шу сабаб у мавсумнинг қолган қисмини ўтказиб юбориши кутилмоқда. Июнь ойида ижара муддати тугайди ва "Тоттенхэм" ҳужумчини сотиб олиш имкониятидан фойдаланиши номаълум.
"Вернернинг келиши биз учун катта фойда бўлди, у катта таъсир ўтказди, аммо якуний қарорларни қабул қилиш учун мен вариантларимиз қандай бўлиши ҳақида аниқлик киритишим керак", - деди Постекоглу "Челси"га қарши ўйин олдидан.
Тимо Вернер “Тоттенхэм” сафида 14 та ўйинда 2 та гол ва 3 та голли узатмага муаллифлик қилган.
