Londonning "Arsenal" klubi hujumchisi Gabriel Jezus yozgi transfer oynasida jamoadan ketishi mumkinligi haqidagi mish-mishlarga qaramay, hozirgi jamoasini tark etishni istamayapti.
The Sun jurnalistlarining yozishicha, braziliyalik hujumchi hali jamoadagi so‘nggi so‘zini aytmaganiga ishonchi komil. Gabriel "kanonirlar" tarkibidan joy uchun kurashni davom ettirish niyatida. "Arsenal" bosh murabbiyi Mikel Arteta braziliyalik futbolchiga yana bir imkoniyat berishga tayyor.
Angliya Premyer-ligasining joriy mavsumida Jezus 24 ta o‘yinda maydonga tushib, 4 ta gol va 4 ta golli uzatmani amalga oshirdi. Unda oltita sariq kartochka bor.
