Лондоннинг "Арсенал" клуби ҳужумчиси Габриэль Жезус ёзги трансфер ойнасида жамоадан кетиши мумкинлиги ҳақидаги миш-мишларга қарамай, ҳозирги жамоасини тарк этишни истамаяпти.
The Sun журналистларининг ёзишича, бразилиялик ҳужумчи ҳали жамоадаги сўнгги сўзини айтмаганига ишончи комил. Габриэл "канонирлар" таркибидан жой учун курашни давом эттириш ниятида. "Арсенал" бош мураббийи Микель Артета бразилиялик футболчига яна бир имконият беришга тайёр.
Англия Премьер-лигасининг жорий мавсумида Жезус 24 та ўйинда майдонга тушиб, 4 та гол ва 4 та голли узатмани амалга оширди. Унда олтита сариқ карточка бор.
