"Tottenxem" bosh murabbiyi Anje Postekoglu jamoasining kuchli to‘rtlikdan joy olish imkoniyatlari haqidagi savolga javob berdi.
London derbisida “Chelsi”ga yutqazgan “shporlar” (0:2) to‘rtinchi o‘rindagi “Aston Villa” bilan oradagi farqni yo‘qqa chiqara olmadi.
“Tottenxem” 34 o‘yindan so‘ng 60 ochko jamg‘argan bo‘lsa, Unai Emeri shogirdlarida 35 o‘yindan keyin 67 ochkoga ega.
"Kuchli to‘rtlikdan joy uchun kurash tugadimi? Bunday savollarga qanday javob berishni bilmayman.
Bugun biz yomon ko‘rindik, boshqa narsa haqida o‘ylashning nima keragi bor? Mening mas’uliyatim keyingi safar yaxshiroq o‘ynashimizga ishonch hosil qilishdir", dedi Postekoglu.
