Londonning "Arsenal" klubi yarim himoyachi Jorjinyo bilan shartnomani uzaytirmoqchi.

Italiyalik futbolchining amaldagi shartnomasi mavsum oxirida tugaydi va yarim himoyachi A Seriyaga qaytish haqida o‘ylayapti.

So‘nggi ma’lumotlarga ko‘ra, "kanonirlar" rahbariyati shunga qaramay 32 yoshli futbolchini o‘z safida saqlab qolishga qaror qilgan.

Standart xabariga ko‘ra, Italiyaning "Yuventus", "Napoli" va "Lasio" klublari Jorjinyoga qiziqishlarini so‘ndirmagan, ammo "Arsenal" futbolchining kamida yana bir yilni Londonda o‘tkazishga rozi bo‘lishiga umid qilmoqda.

Yaqinda "Yuventus" Jorjinyoga asosiy da’vogar sifatida e’lon qilindi. Mish-mishlarga ko‘ra, yarim himoyachining o‘zi ham Turinga o‘tishga qiziqmoqda.