Лондоннинг "Арсенал" клуби ярим ҳимоячи Жоржиньо билан шартномани узайтирмоқчи.
Италиялик футболчининг амалдаги шартномаси мавсум охирида тугайди ва ярим ҳимоячи А Серияга қайтиш ҳақида ўйлаяпти.
Сўнгги маълумотларга кўра, "канонирлар" раҳбарияти шунга қарамай 32 ёшли футболчини ўз сафида сақлаб қолишга қарор қилган.
Standart хабарига кўра, Италиянинг "Ювентус", "Наполи" ва "Лацио" клублари Жоржиньога қизиқишларини сўндирмаган, аммо "Арсенал" футболчининг камида яна бир йилни Лондонда ўтказишга рози бўлишига умид қилмоқда.
Яқинда "Ювентус" Жоржиньога асосий даъвогар сифатида эълон қилинди. Миш-мишларга кўра, ярим ҳимоячининг ўзи ҳам Туринга ўтишга қизиқмоқда.
