Germaniya futbolida Bundesliganing 32-tur uchrashuvlari bo‘lib o‘tdi, "Shtutgart" "Bavariya"ni mag‘lub etdi va bu uning joriy mavsumdagi 21-g‘alabasi bo‘ldi. Bu g‘alabalar soni bo‘yicha "Shtutgart" klubi rekordining takrorlanishi bo‘ldi, bungacha bunday natijaga ikki marta - 2006/2007 mavsumida, shuningdek, 1991/1992 yilgi mavsumda erishilgan edi.
Farqi shundaki, avvalgi ikkala mavsumda shvabiyaliklar chempion bo‘lgandi, hozir esa klub "Bayer" va "Bavariya"dan ortda qolgan holda uchinchi o‘rinni egallab turibdi.
Germaniya chempionatining qolgan ikki turida klub safarda “Augsburg” va o‘z maydonida “Borussiya Myonxengladbax”ga qarshi bahs olib boradi.
