"PSJ" va "Nissa"ning sobiq bosh murabbiyi, hozirda Qatarning "Al-Duhail" klubi rahbari Kristof Galtye millati, irqi va diniga ko‘ra kamsitilishi haqida gapirdi.
"Irqchilik va diskriminasiya mening falsafamning bir qismi emas, chunki men ko‘p madaniyatli muhitda o‘sganman va faoliyatim davomida shunday muhitda rivojlanganman.
Shu bois, bunday ayblovlar bilan sudga kelish men uchun haqiqiy zarba bo‘ldi. Bu mening hayotimdagi qiyinchiliklarning bir qismidir.
Bu uyat edi. Oxir-oqibat men butunlay bo‘shashdim. Adolat mening aybsizligimni tasdiqladi", - deya Galtyening so‘zlarini keltirmoqda RMC Sport.