25 yoshli amerikalik yarim himoyachi Ueston Makkenni Turinning "Yuventus" klubidagi kelajagi haqida gapirdi.
"Keksa sinyora" bilan shartnomam tugashiga hali bir yil bor. Hozir agentim shartnomani uzaytirish borasida muzokaralar olib bormoqda. Turinda qolaman degan umiddaman. Men bu klubdagi hamma narsadan mamnunman", - dedi amerikalik futbolchi.
Joriy mavsumda Makkenni turinliklar safida 36 ta o‘yinda qatnashib, o‘nta golli uzatmani amalga oshirdi. Transfermarkt portali ekspertlari Uestonning bozor qiymatini 25 million yevroga baholamoqda.
